ខ្សែប្រយុទ្ធ Diogo Jota បានស៊ុតបាល់បញ្ចូលទី៣គ្រាប់ ក្នុងពេលក្រុម Liverpool ដណ្តើមបានជ័យជម្នះ ៥-០ លើក្រុម Atalanta ក្នុងការប្រកួតក្របខ័ណ្ឌ Champions League កាលពីថ្ងៃអង្គារ ខណៈដែលក្រុមម្ចាស់ការពារជើងឯក Bayern Munich បានស៊ុតបាល់បញ្ចូលទី៦គ្រាប់ ហើយ Real Madrid បានផ្តួលក្រុម Inter Milan ទាំងប្រផិតប្រផើយក្នុងការប្រកួតដ៏រំភើបនៅអ៊ីតាលី។
នៅរាត្រីនៃការប្រកួតដ៏រំភើបទូទាំងអឺរ៉ុប ការបង្ហាញពីទម្រង់លេយ៉ាងល្អបានកើតឡើងពីសំណាក់កីឡាករ Jota ស្របពេលដែលក្រុម Borussia Moenchengladbach ក៏បានស៊ុតបាល់បញ្ចូលទី៦គ្រាប់ផងដែរ នៅអ៊ុយក្រែន។ Jota បានប្រាប់សារព័ត៌មាន BT Sport ថា៖ «ខ្ញុំកំពុងតែលេងឲ្យក្រុមខ្លាំងបំផុតក្នុងអាជីពរបស់ខ្ញុំមកទល់ពេលនេះ។ ខ្ញុំមិនដឹងថា នេះគឺជាពេលវេលាដ៏ល្អបំផុតនៃអាជីពរបស់ខ្ញុំឡើយ ប៉ុន្តែ ពិតណាស់ ការស៊ុតបាល់បញ្ចូលទី គឺជារបៀបដែលខ្ញុំលេងកីឡាបាល់ទាត់»។
ក្រោយពីដណ្តើមបានជ័យជម្នះ៣លើកពីការប្រកួតទាំង៣លើក Liverpool កំពុងតែស្ថិតលើផ្លូវឆ្ពោះទៅកាន់ការបញ្ចប់ដោយឈរលេខ១ក្នុងពូល D ស្របពេលដែល Ajax និង Atalanta មាន៥ពិន្ទុដូចគ្នា។ ក្រុមម្ចាស់ការពារជើងឯក Bayern បច្ចុប្បន្នបានកត់ត្រាជ័យជម្នះ១៤លើកជាប់ៗគ្នាក្នុង Champions League ក្រោយពីបានផ្តួលក្រុម Salzburg ៦-២ នៅអូទ្រីស ស្របពេលដែលក្រុមជើងខ្លាំង Real បានផ្តួល Inter ៣-២ ដើម្បីរក្សាក្តីសង្ឃឹមនៃការឈានទៅវគ្គបន្ត៕
0 comments:
Post a Comment